თბილისის წიგნის XIX საერთაშორისო ფესტივალის ფოკუს ქვეყანა ნორვეგია იყო. ნორვეგიამ ფრანკფურტის წიგნის ბაზრობის საპატიო სტუმრის სტატუსით 2019 წელს ისარგებლა და 2018 წელს აღნიშნული სტატუსი იმ წლის საპატიო სტუმარი ქვეყნის – საქართველოსგან ჩაიბარა.
მსოფლიოს ერთ-ერთი ყველაზე გავლენიანი ლიტერატურული ფონდი NORLA და ოთხი ნორვეგიელი მწერალი 2017 წელს თბილისის წიგნის XIX საერთაშორისო ფესტივალის სპეციალური სტუმრები იყვნენ: NORLA - 1978 წელს დაარსდა და ნორვეგიის კულტურის სამინისტროს მიერ ფინანსდება. NORLA-ს მთარგმნელობითი სუბსიდიები მიზნად ნორვეგიული მხატვრული ლიტერატურისა და დოკუმენტური პროზის სათარგმნად უცხოელი გამომცემლების მოზიდვას ისახავს. 2004 წლიდან დღემდე მისი უშუალო მონაწილეობით 4250 ნორვეგიული წიგნი 65-ზე მეტ ენაზე ითარგმნა. საქართველოში ფონდს უფროსი მრჩეველი დინა როლ-ჰანსენი წარმოადგენს, რომელიც NORLA-ში ათ წელზე მეტია მუშაობს.
თბილისის წიგნის XIX საერთაშორისო ფესტივალის სპეციალური სტუმრები იყვნენ ნორვეგიელი მწერლები: როსკვა კორიცინსკი, ნილს ჰენრიკ სმითი, სიმენ ეკერნი და სიგბიორნ მოსტიუ. 2017 წლის ვიზიტის ფარგლებში გაიმართა შეხვედრა მწერალთა სახლში, სადაც ფესტივალის საპატიო სტუმრებმა შემდეგ თემებზე ისაუბრეს:
სიმენ ეკერნი - "ბრძოლა ევროპის სულისთვის - მემარჯვენე ფრთის პოპულიზმის აღზევება და მომავალი"
როსკვა კორიცინსკი - "მოთხრობა და სხვა უცნობები, რომლებიც მიყვარდება"
სიგბიორნ მოსტიუ - "ნორვეგიული მითების რევიტალიზაცია ნორვეგიულ ფენტეზიში"
ნილს ჰენრიკ სმითი - "დაგ სოლსტადი და ნორვეგიული ლიტერატურა."
წინა ფოკუს ქვეყნები
TIBF 2023: პოლონეთი
25/05/2023 - 28/05/2022 11:00 - 20:00 აკაკი წერეთლის 118, თბილისი, საქართველო
პოლონეთის პროგრამა თბილისის წიგნის საერთაშორისო ფესტივალისთვის
25/05/2023 - 28/05/2023 11:00 - 20:00 აკაკი წერეთლის 118, თბილისი, საქართველო
TIBF 2022: თურქეთი
26/05/2022 - 29.05.2022 აკაკი წერეთლის 118, თბილისი, საქართველო
თურქეთის პროგრამა
26/05/2022 - 29/05/2022 11:00 - 20:00 აკაკი წერეთლის 118, თბილისი, საქართველო
TIBF 2019: ფინეთი
30/05/2019 - Expo Georgia